احمد الله بقالى فترة مش بتابع جرائدالاهرام و الاخبار و الجمهورية الا لما اكون عايزة اضحك انما اليومين دول انا بتابع كل الجرائد حتى اتابع اخر اخبار الحادث المؤلم الذى انهينا به عام و استقلبنا على اثره عام جديد بوجوه تكسوها الحزن مسيحيين و مسلميين الجميع اهتز لهذه الجريمة
و بالتالى كنت محضرة نفسى نفسيا و عصبيا لاى نوع من الاخبار المضرة بالصحة و فعلا كنت هموت صحيح من الضحك انما الموت واحد فى جميع الحالات
جريدة الاهرام تحت عنوان ( شاهد عيان : يصف منفذ حادث الاسكندرية )
http://www.ahram.org.eg/401/2011/01/03/25/56432.aspx
انا قلت قشطة بس استغربت انهم يقولوا المواصفات فى الجرائد مما يتيح للمنفذ الاسبقية و يأخذ حذره بس ما علينا اكيد الامن عامل خدعة فى الموضوع ( و ده طبعا من خبرتى الفظيعة فى قصص ادهم صبرى و ملف المستقبل لا يوجد خطة محكمة لابد من وجود ثغرة هاااااااااااااا)
أكد جورج عادل24 سنة يعمل حارس أمن بالكنيسة
الله الله ده انتوا بتبلغوا عن الشاهد مش المنفذ يعنى ناقص عنوانه علشان اللى عملوا العملية يروحوا يخلصوا عليه ههههه
أنه أثناء عمله بالمصادفة وقت وقوع الحادث علي باب الكنيسة, لفت انتباهه وجود سيارة سكودا بها ثلاثة أشخاص,أخذ سائقها أكثر من نصف ساعة في عملية( ركنها) أمام الكنيسة من الجهة المقابلة,
انا اعتقدت انه لو حد هينفذ عملية ارهابية هيحاول انه لا يلفت انتباه احد مش يقعد نص ساعة يركن فى العربية ما يركنها فى اى داهية و يخلع هو
علي الرغم من وجود مكان يتسع لأتوبيس,
امممممممممممممممممم
وكان معه شخصان آخران تركا السيارة, وبقي سائقها لمدة طويلة.
ووصف قائدها, بأنه أسمر اللون, وليس نحيفا ولا ممتلئا, وليس بطويل, ويرتدي جاكت صوف علي جلد, لونه بيج.
اها قفشتك تصدق انا لو شفته فى الشارع هعرفه ابن التيييييييييييييت الاسمر اللون اللى مش تخين و لا رفيع و مش طويل و اهبل يبقى اكيد قصير و قزعة و كمان مواصفات الجاكيت مهمة جدا لانها هتسهلنا الوصول للمنفذ هو يعنى كام واحد فى مصر عنده جاكت صوف على جلد لونه بيج ها
المهم خمسة جد بقة فيه دعوة ان المسلمين ينزلوا يأمنوا الاخوة المسيحين فى عيدهم و يقفوا معهم عند الكنائس مش عارفة بس انا شايفة انه غلط لان التجمعات بينتج عنها دائما احتكاكات دائما هتلاقى ناس بين المسيحين بيشعللوها و اكيد هتلاقى بين المسلمين ناس بتهدى النفوس فعلى ايه لاحسن تتحول لمجزرة و لا حاجة وربنا يسلم مصر ممن يريدوا بها سوء
