كل مدى الوجــــع بيزيد

آآآآآآآآآآآآآآآآآآآآآآآآآآآآآآآآآآآآآه يا بلـــد

بس الوجع المرة دى اعمق و الجرح المرة دى غائـــر .. وجع قلب البلد و المجروح اطهر ما فيها


المكالمة دى ابكتنى كما لم اكن اتخيل ان ابكى يوما

و كل اللى عمله شرف (( رئيس وزراء الثورة ))بعد 5 شهور صارع فيها قطب المرض ان ينعيه ... شكرا ما احنا اخترناك علشان تنعى ولادنا بعد اهمالهم مش علشان تعالجهم و تاخد حقهم من اللى قتلهم بس احنا عايزين رئيس وزراء مش حانوتى يا شرف

رحمة الله على شهدائنا جميعا
..........................................

روقى يا سمسمة كله بيطلع فى الغسيل

اليوم فتحت عيني على صوت بينادي علي
الدنيا بقت حرية حرية حرية

عاهدت الوطن الغالي أحكمه أنا و ابني و خالي
و بصبر سنين و ليالي الثورة صبحت لي
حرية حرية

دستور الشعب كيانه    شفنا ف الغيب عنوانه
من يوم ما أمر سبحانه بالثورة للحرية
حرية حرية

و صبحت عزيز فى بلادي    أحميها بعمر جهادي
و أفديها بدم ولادي و إن راحوا يبقوا هدية
حرية حرية

بقى عدل و دستور دايم    بين المحكوم و الحاكم
لا عاد مظلوم و لا ظالم    لا يبيع و لا يشترى فيا
حرية حرية

دي مبادئ و رسمناها    و حقوقنا و عرفناها
و أنا و إنت اللي طلبناها فى تلاتة و عشرين يوليه
حرية حرية

وصاح من الشعب صوت طليق
قوى، أبيّ، عريق، عميق
يقول : انا الشعب والمعجزة
انا الشعب لا شىء قد أعجزه
وكل الذى قاله أنجزه!

أنا الشعب لا أعرف المستحيلا
ولا أرتضى بالخلود بديلا
بلادى مفتوحة كالسماء
تضم الصديق ؛ وتمحو الدخيلا

على باب مصر، تدق الأكف، ويعلو الضجيج
جبال تدور، رياح تثور، بحار تهيج
وتصغى! وتصغى!!
فتسمع بين الضجيج سؤالا وأى سؤال!! وتسمع
همهمة كالجواب، وتسمع همهمةً كالسؤال!!
أين؟ ومن؟
وكيف إذن؟
نعم.. كيف أصبح هذا الجلال
بأقصى مداه!؟
.. حقيقة شعبٍ
غزاه الطغاة، وأى طغاة؟!
.. امعجزة مالها أنبياء؟!
.. أدورة أرض بغير فضاء؟!
****

وتمضى المواكب بالقادمين
من كل لون ٍ وكل مجال
فمن عصر مينا إلى عصر عمرو ٍ

ومن عصر عمرو ٍ لعصر جمال
وكل تساءل فى لهفة ٍ :
أين؟ ومن!؟
وكيف إذن!؟
.. أمعجزة ً مالها أنبياء؟!
.. أدورة أرض بغير فضاء؟!
****

وجاء الغزاة

جميع الغزاة..
فأبدوا خشوعًا
وأحنوا الجباه
وكل تساءل فى دهشة ٍ
.. وكل تساءل فى لهفة :
أمعجزة مالها أنبياء؟!
أدورة أرض ٍ بغير فضاء؟!
تلمح بين الجموع وجوهًا
يرف عليها حنان الإله
.. ففيها المفكر والعبقرى
وفيها التقاة ؛ وفيها الهداة
.. ف(موسى) تشق عصاه الزحام
وذلك (عيسى) عليه السلام
وهذا (محمد) خير الأنام
أمعجزة ماله أنبياء؟!
أدورة أرض ٍ بغير فضاء؟!
****

فاين تحقق ما كان وهمًا
ومن ذا الذى ياترى حققه؟!
وكيف تحرر من أسره
سجين الزمان؟! ومن أطلقه؟!
لقد شاد بالأمس أهرامه
بأيدٍ مسخرة موثقة
على ظهره بصمات السياط
.. وأحشاوه بالطوى مرهقة!!
... وها هو يبنى بحريةٍ
دعائم آماله المشرقه
بسد منيع، عجيب البناء
يبث الرخاء ويوحى الثقه
فارزاق أبنائه حرة
وآراؤهم حرة مطلقه
وليس بهم سيد أو مسود
فكل سواء بلا تفرقة
أمعجزه مالها أنبياء؟!
أدورة ارض بغير فضاء؟!
****

وصاح من الشعب صوت طليق
قوى، أبيّ، عريق، عميق
يقول : انا الشعب والعجزة
انا الشعب لا شىء قد أعجزه
وكل الذى قاله أنجزه!!
****

.. فمن ارضى الحرة الصامدة

بنيت حضاراتنا الخالدة

.. بقوميتى واشتراكيتى

.. ينبض العروبة فى أمتى

****

انا الشعب، شعب ذرى والقمم

زرعت النخيل، صنعت الهرم

****

رفعت المآذن فوق القباب

بنيت المداخن تعلو السحاب

****

 

يا مصر قومى وشدى الحيل

كل اللى تمنيه عندى

لا القهر يطوينى ولا الليل

آمان آمان آمان بيرم أفندى

رفيعين جباه حرة شريفة

باسطين أيادى تأدى الفرض

ناقصين مؤذن وخليفة .. ونور ما بين السما والأرض

يا مصر عودى زى زمان

ندهة من الجامعة وحلوان

يا مصر عودى زى زمان

يا مصر عودى زى زمان

يا مصر عودى زى زمان

ندهة من الجامعة وحلوان

يا مصر عودى زى زمان .. تعصى العدو وتعاندى

آمان آمان بيرم أفندى

يا مصر

يا مصر قومى وشدى الحيل

كل اللى تتمنيه عندى

لا القهر يطوينى ولا الليل

آمان آمان آمان بيرم أفندى

الدم يجرى فى ماء النيل والنيل بيفتح على سجنى

والسجن يطرح غلة وتيل

نجوع ونتعرى ونبنى

الدم يجرى فى ماء النيل والنيل بيفتح على سجنى

يا مصر لسه عددنا كتير لا تجزعى من بأس الغير

يا مصر

يا مصر لسه عددنا كتير لا تجزعى من بأس الغير

يا مصر ملو قلوبنا الخير وحلمنا ورد مندى

أمان بيرم أفندى

يامصر قومى وشدى الحيل

كل اللى تتمنيه عندى

لا القهر يطوينى ولا الليل

آمان آمان بيرم أفندى

يسعد صباحك يا جنينة يسعد صباح اللى رواكى

يا خضرا من زرع إدينا

شربت من بحر هواكى

شربت من كاس محبوبى

وعشقت نيل أسمر نوبى

وغسلت فيه بدنى وتوبى وكتبت إسمه على جلدى

آمان آمان آمان بيرم أفندى يا مصر

غني يا سمسمية

غني يا سمسمية

لرصاص البندقية

ولكل إيد قوية

حاضنة زنودها المدافع

* * *

واللي وراها بيدافع

ووصي عبد الشافع

يضرب في الطلقة مية

* * *

في الغيط وفي المعامل

بيأدي الواجب كامل

واديله وردة هدية

* * *

في الجامعة وفي المدارس

لمجد بلاده حارس

من غدر الصهيونية

-----------------------

سجن طرة سجن عالمية على ارض مصرية

سجن طرة " نهار داخلي "
أفراد العصابة يجتمعون في بهو السجن

جمال مبارك في حالة هيسترية، يمسك بالكلابشات ويلوح بها ويصيح: شقا عمري .. شقا عمري ضاع .. شقا عمري .. لأ ا ا ا اه

زكريا عزمي: مش عيب ابن الرئيس مبارك مايعرفش أصول التخزين

فتحي سرور: التخزين كان من اختصاص الشاذلي وأمن الدولة

زكريا عزمي: في حد في الدنيا يحط شعب في صفيحة ويسيبه تلاتين سنة في مية مالحة

جمال مبارك: والعمل يا زكريا؟

زكريا: يعوض عليك ربنا

علاء مبارك :الملاحة و الملاحة و حببتى ملو التراحة حسرة علينا يا حسرة علينا 

على الهامش 

يوم 13 / 4 / 2011 يوم اخر لا ينسى فى حياتى بعد 

    25 / 1 / 2011

و

11 / 2 / 2011

اللهم لا شماتــــــــة 

يارب اننا لا نشمت فى مصائب عبادك و لكنك اعلم منا بظلمهم

من المسئول المتلون للمذيعة الركيكة لعصير الثورة ( نفاااق آخر حاجة )

ولاد مصر بكرة

تك ليه مث واقفة فى ثفى و انا عشت حياتى بحالها علشان مالمحش فى عينيك خوف

يا خلاثى يا ناث انا الاغنية دى على ما فهمت كلماتها بس قعدت فترة طويلة ما شاء الله عليكى يا بنتى

جنة قالت بص يا بابا طبعا لا علشان لازم الناس تركز على مصر علشان مصر مش متظبطة لان مصر فيها حرميين و ووحشيين و حاجات كتير كده علشان كده قالت للتعديلات الدثتورررية طبعا لا و شايفة ان احمد شفيق كل شوية يقلد كل حد ... ربنا يحميكى يارب

انا متفائلة اوى اوى ببكرة علشان البنات دول و غيرهم و يارب اشوف ولادى زيهم

اللهم آمين ..

اجيبها كده اجيبها كده هى لأ

لا لمن يروج انه لا بديل عن نعم او لا لان هناك دائما حلول لو توفرت الارادة للوصول لتلك الحلول 
لا لانى لا اقبل ان يجبرنى احد و يخيرنى بين خيارين احدهما سئ و الاخر اسوأ
لا لانصاف الحلـول   

لا للترقيع

لا للمواد المعدلة لانها بها ثغرات و هذا لم يعد مقبولا و لم يعد مقبولا ان يترك باب خلفى لمن يريد ان يلعب فى الشعب و كأن البلد تكية ابوة

لا لسياسة الاعلام و تجييش الناس للوصاية على المتفرجين سواء بنعم او لا و كأننا لم نثور من اجل هؤلاء المرتزقة و سياسة التغييب

لا للاخوان التى تدفع الاموال للناس لتقول نعم

لا للوفد الذى يدفع بدوره الاموال للناس لتقول لا

لا للكنيسة التى تحفز الاخوة المسيحين ان يقولوا لا

لا للجمعية الشرعية التى تتكلم بإسم الدين و كأنه حكر لها و تحث الناس على ان تقول نعم

لا للتخويف بالمادة الثانية من الدستور لانها كده كده هنتكلم فيها لما نعمل الدستور الجديد فسواء نعم او لا لن تسكت الاصوات المطالبة بتعديلها عاجلا او آجلا

لا للمنشورات التى تكفر من سيقول لا

لا للجهل و العادات و التقاليد التى تتحكم فى فئة ليست بقليلة من الشعب المصرى

لا لمن يروج الاشاعات انك اذا قلت لا ستهوى البورصة و ينهار الاقتصاد لانه و لمده 30 سنة كان منهار

لا لمن يهول انه اذا طال حكم المؤسسة العسكرية سنحكم بالاحكام العرفية و سندخل الى نفق مظلم ( دى الفزاعة الجديدة )

لا لمن يخوف الناس من الفوضى ( نفس الكلام القديم البايت اللى كان بيتقال ايام الثورة ما كفاية بقة بذمتكم مش لو كنا سمعنا كلامكم كان زمان حسنى لسه ماسكنا و بيجهزلنا جيمى )

لا لمن يتهم من يقول لا بالكفر

لا لمن يتهم من يقول نعم بالخيانة

لا لمن يقول لا لانه يحب الشخص الفلانى اللى هيقول لا

لا لمن سيقول نعم لانه يحب الشيخ الفلانى اللى هيقول نعم

لا لسياسة القطيع

لا لنغمة الاستقرار الزائف الذى لن يحدث طالما لم نطهر البلد من بقايا الحرامية و متمرسين الاجرام السياسى و اللعب بالبيضة و الحجر

و على ما تقدم وجدنا ان النتيجة لااااااااااااااااااااااااا بإكتساح

استمتعوا بكل لحظة بنتنفس فيها حريـــــــــــة
لا فض فوك و مات حاسدوك يا حمـزاوى ايوة كده يا شييييييخ

اخر حوار بين مبارك و العادلى و عز قبل تنحيه موثق

 

و ده كان اخر حوار فيسبوكى قبل التنحى

صباااااح الحرية

اجمل يوم فى حياتى .. انا معتقدش انى حتى يوم فرحى ممكن افرح الفرحة دى ياااااااااااااااااااااااااااااااه من ساعة ما صحيت من النوم و انا حاسة ان كل حاجة مختلفة اجمل احلى ده حتى الهوا حاساه انظف ثانية واحدة  كده عايزة اجرب حاجة ( الرئيس السااااااااااااابق محمد حسنى مبارك ) يااااااااااااااااااااااااااااااااه انا هقعد فترة طويلة كده مندهشة و مستغربة و مش مصدقة انا عايشة اجمل حلم حلمته يااااااااااااااااااااااااااااااااه  

تحية اجلال و تقدير لشهدائنا

يا نهار ابيض لما ادى التحية للشهداء انا انهرت صحيح التحية دى مش هتطفى نار ذويهم ولا هترجعهم تانى للى بيحبوهم بس عزائنا انهم كانوا وقود لثورة رجعت حقوق و كرامة شعب نحتسبهم شهداء احياء عند ربهم يرزقون 

مزق دفاترك القديمة كلها واكتب لمصر اليوم شعرا مثلها

 

لحظة بكل العمر بلدى حرة وانا حر

الوضع فى السويس أخذ اتجاه مخيف و الاسوأ رد فعل الداخلية قاطعين عنهم الاتصالات و الكهرباء و النور و اصبحت السويس منعزلة عن بقية مصر و الاغذية الاساسية اوشكت على النفاذ

لا حول ولا قوة الا بك يارب يارب

اللهم اجعل ثأرنا على من ظلمنا

و انصرنا على من عادنا

ولا تسلط علينا من لا يرحمنا

اللهم انى دعوتك كما آمرتنى فأستجب كما وعدتنى

اللهم آمين

اللهم أمين

حسين افندى ابن الحج وهدان لا يمكن يكون من الاعداء

حتى هذه اللحظة التى اكتب فيها تلك السطور 7 قتلى حصيلة ثورة اندلعت منذ الامس  و هى انتفاضة الشعب المصرى وحده دون غيره من المنافقين و المتسلقين الذين يريدون اغتصاب الثورة من اجل مصالحهم الشخصية 

بعيدا عن كل الاحداث المشتعلة و الاخبار المؤسفة خاصة من السويس و انا اتابع الاحداث اول بأول اذ بخاطر يأتينى و سؤال يلح على : 

مين بيضرب مين و لمصلحة مين ؟؟؟!!!! الضارب و المضروب الاتنين من نفس النسيج و من نفس الارض و عايشين نفس المعاناة ودايقين نفس الذل

يبقى ليه و لمصلحة مين اخ و اخوه يقفوا وجها لوجه .... لا حول ولا قوة الا بالله

و لقيت نفسى بدور على مقطع الفيلم الرااائع ( البرئ ) و احمد سبع الليل يدافع عن حسين ( ده حسين يا سعادة الباشا انا عارفه اصل احنا الاتنين من بلد واحدة و مولودين فى جمعة واحدة و ابوه الحج وهدان راجل واحد من اكابر البلد راجل متقى و يعرف ربنا و يتحط على الجرح يبرد حسين افندى ابن الحج وهدان لا يمكن يكون من الاعداء ، اعداء اعداء ايه ؟!!!! ده هو اللى فاطمنى و نورنى و قالى على مهمتى فى الجيش 

رسالتى لكل من الضارب و المضروب خدوا بالكم ....

حسين افندى ابن الحج وهدان لا يمكن يكون من الاعداء

و اى افندى واقف قدامك دلوقتى بيهتف ( الشعب يريد اسقاط النظام ) فهو يهتف لك و له ولا يمكن يكون من الاعداء

و اى مجند واقف قدامك اغلب منك و الهم زى ما هو طايلك طايله و لا يمكن يكون من الاعداء