زى النهاردة من 23 سنة انا جيت .... الايام بتجرى بسرعة بشكل ، بقى انا بقالى 23 سنة عايشة يا قوة الله !!!!!!
زمان و انا عندى ييجى حداشر اتناشر سنة كنت حاسة انى اوصل ل 20 سنة بعييييييييييدة اوى و كنت متخيلة انى لما يبقى عندى 20 سنة دا ياااااااااااااااه ههد الدنيا و ابنيها تانى على مزاجى و لما وصلت لل 20 لقيت الدنيا هى الدنيا و لا هديت و لا بنيت و الحال هو الحال بس انا ما انكرش انى اختلفت كتير عن زمان و اتعلمت حاجات كتير و اهم حاجة انى اتعلمت احب الحياة و انى مخفش من بكرة و مخفش من حد غير اللى خالقنى و يكون عندى امل و ثقة فى الله ان اللى جاى احسن و ان اللى متحققش النهاردة لسه فيه بكرة و اللى ميتحققش بكرة لسه فيه بعده و بجد الحمد لله على اجمل نعمة ربنا انعم بيها عليا انى لسه قادرة احلم و كل يوم بيتولد جوايا حلم اكبر و اجمل و احلى
كل سنة و انا طيبة
و الاهم كل سنة و الناس اللى بحبهم طيبين و حواليا و بيحبونى فى الله و بحبهم ودى امنيتى للعام الجديد و هضيف عليها امنية هذا العام و كل عام وهى : ( نفسى احب نفسى اكتر من كده لانها محتاجة منى انى احبها و لانها تستاهل انى احبها و اى حاجة تانية هتبقى سهلة بإذنك يارب )
و الاهم كل سنة و الناس اللى بحبهم طيبين و حواليا و بيحبونى فى الله و بحبهم ودى امنيتى للعام الجديد و هضيف عليها امنية هذا العام و كل عام وهى : ( نفسى احب نفسى اكتر من كده لانها محتاجة منى انى احبها و لانها تستاهل انى احبها و اى حاجة تانية هتبقى سهلة بإذنك يارب )
ياسمين ياسر
20 - 10 - 2010
هناك تعليقان (2):
كل سنه وانت بكل صحة وخير وطيبة
كل سنه والفرحة فى قلبك جاية بيضة معيدة
يارب تحققى كل امنياتك وتغيشى لحد 100 سنه بس كفاية ههههههه
ربنا يحميكى ياغالية
100 بس يا بسمة مش هيكفوا كل اللى جوايا و اللى نفسى اعمله المهم ان ميبقاش العدد فى الليمون زى ما بيقولوا يعنى مايتعدوش بس بالارقام انما باللحظات الحلوة اللى فيهم و يبقوا فى طاعة الرحمن
تسلميلى يا احلى بسمة ويارب يديم الود و المعروف دايما ( وش مبتسم و بوسة كبيرة )
إرسال تعليق