تحديـــث بطعم المـر
بعد حلقة اخر كلام و التى ختمها الاستاذ يسرى فودة بشهادة ان الطبيب السباعى احمد السباعى اكد له اكثر من مرة خارج الهواء المباشر ان الاستاذ فريد حشيش سيسجن و لا يمر 24 ساعة الا و يحدث ذلك بالفعل و رغم تأكيد جميع المحامين ان هذا الاحتجاز غير قانونى و باطل و انهى كلامه برسالة الى الدكتور عصام شرف (
ايوة يعنى تجيبلى عمو ابو السباع كبير الاطباء الشرجـيـين فى مصر يقعد ساعتين يهرتل و عايزينى اسيبك او اسامحك طيب و الله و الله و الله و انا مش محتاجة احلف انا تعبت جدا بعد اللقاء ده الراجل اسلوبه مستفز جدااااااااا جدااااااااا جداااااااااااا و انا مش محتاجة احلف لان استفزازه فاق كل الحدود ده راجل آب نورمال حاجة كده زى الانسان الانوى النادر و اكاد ازعم لا مش ازعم و لا حاجة ده اكيد اتسبب فى رفع ضغط غيرى كثير من اللى وثقوا فيك يا يسرى و حبوك و بقوا بيتابعوك طيب نبهنا قلنا ان الفقرة دى لا تصلح لمرضى القلب و الضغط المرتفع و المنخفض و اصحاب المرارة و الخلق الضيق و كل شوية يقولنا مش هتفهموا .. مش وقتها .. انا معايا ماجستير ايه محدش قاله ان فيه اختراع اسمه دكتوراة
و بعدين اللى غاظنى انك كنت محترم زيادة عن اللزوم معاه انا لو منك كنت قلعت الجزمة و حاشرتها فى زورة لما اشوف هيبلعها و لا هجيله اسفكسيا الجزم ( بس للامانة لازم اقولك برافو لان مرة اخرى اعطيت درس رائع فى المهنية احييك عليه )
و هو ينفع برده نعمل ثورة عظيمة و بعدين يطلع اخينا ده يجبلنا نقطة جماعية و برى برى و تبقى نهايتها فمات الثـوار جميعـا
على الهامش
و بعدين اللى غاظنى انك كنت محترم زيادة عن اللزوم معاه انا لو منك كنت قلعت الجزمة و حاشرتها فى زورة لما اشوف هيبلعها و لا هجيله اسفكسيا الجزم ( بس للامانة لازم اقولك برافو لان مرة اخرى اعطيت درس رائع فى المهنية احييك عليه )
و هو ينفع برده نعمل ثورة عظيمة و بعدين يطلع اخينا ده يجبلنا نقطة جماعية و برى برى و تبقى نهايتها فمات الثـوار جميعـا
على الهامش
معرفش ليه جالى احساس و انا بتفرج عليه انى بتفرج على الشيف شربينى - معلش يا شيف - ما هو راخر كان عمال يلت و يعجن مش دكتور مش اسلوب دكتور بيقولك 16 موقع بنشتغل عليهم نص من الاب ونص من الأم طلع حوالي فيها 6 - 7 مواقع متوافقة قربتني سِــنـة ده مش دكتور ده سبـاك - مع الاعتذار الشديد للسباكين - خصوصا انه اتفقس لما يسري سأله عن الإرتجاف الأذيني المصاب به الرئيس المخلوع هل هو أيمن ولا أيسر؟
أجاب حضرته -بجهله - إنه بصراحة مش فاكر أطباء القلب قالوا له أيمن ولا أيسر ، و أجاب استاذ القلب بعين شمس -الذي إستعان به يسري -ب...أن مفيش حاجة إسمها أيمن وأيسر فيما يخص الارتجاف الأذيني يا جاااااااااااااااااااااااااهل
يا سلام بقة يا يسرى لو كان وشك حلو علينا كده و يتشال زى شفيق بس ساعتها مش هتستضيف حد تانى هتطلع عليك سمعة المذيع اللى ما بيعشلهوش ضيف هههههه
أجاب حضرته -بجهله - إنه بصراحة مش فاكر أطباء القلب قالوا له أيمن ولا أيسر ، و أجاب استاذ القلب بعين شمس -الذي إستعان به يسري -ب...أن مفيش حاجة إسمها أيمن وأيسر فيما يخص الارتجاف الأذيني يا جاااااااااااااااااااااااااهل
يا سلام بقة يا يسرى لو كان وشك حلو علينا كده و يتشال زى شفيق بس ساعتها مش هتستضيف حد تانى هتطلع عليك سمعة المذيع اللى ما بيعشلهوش ضيف هههههه
فى اكثر من لقاء طلع الوزير الكفراوى يطالب بعقوبة الضرب بالجزم و انا من موقعى هذا اطالب بعقوبة الاعدام بالتفافـة و ياريت تسيبولى انا الطلعة دى
ليست هناك تعليقات:
إرسال تعليق