جالى الفيديو ده على ايميلى تحت عنوان الله عليكوا يارجالة التغيير قادم ان شاء الله ولما سمعته معرفتش ايه علاقة الباكبكة بالتغيير
بس لفت انتباهى حاجة غريبة اوى ان ده فعلا اخرنا فى التغيير نعملنا كام اغنية اى هجايص و نزلها على اليوتيوب و التعليقات كلها تحلف بجسارة و رجولة شباب مصر ربنا يحميهم اللى اتحدوا المستحيل و بذلوا مجهود رهيب فوق الفظيع علشان يخرجولنا هذا الكليب الرهيب فوق الفظيع عن دكر البط اه ما هو ده كان انطباعى عن الاسم انا قلت ده اغنية عن دكر البط بس لما دققت و سمعتها تانى على رواقة اتضح انها فرخة بتبيض و ربنا نتعها بالسلامة
اعتقد ان مفيش دولة اخرى فى العالم ممكن تنافسنا فى كمية الاغانى اللى بمناسبة و من غير مناسبة يعنى عايز تعرف تاريخ مصر اسمع اغانى كل حقبة و انت تعرف انجازتها و طبعا الحقبة المنيلة اللى احنا فيها لو رجعت لاغانيها هتعرف ان اهم انجازتنا كانت فى الكورة و ربنا يخليلنا المعلم
ليست هناك تعليقات:
إرسال تعليق