غضباااااااااااااااااااااااااااااانة

المرة دى غير كل مرة ، انا غضبانة لحد الفورااااااااااااااان .... انا مولعة طفووووووووووووووووونى

غضبانة من الانتخابات المزورة و الاعلام المقرف و الصحافة العرة و الشعب المغيب و اهل الباجور اللى بنفسهم بيعيدوا امجاد مصطفى كامل بس بالمقلوب ( لن نحرر بعد اليوم و هيسيبوا الكرسى بتاع الشاذلى لابنه من بعده ) فعلا المصرى مش مستنى حد يشتغله هو بيشتغل نفسه بنفسه

غضبانة من وثائق ويكيليكس اللى كشفت النقاب عن مدى القذارة التى تجرى بعيدا عن الاجتماعات و الكاميرات و البدل النظيفة اللى مداريه كتير و الكلمات البراقة الكدابة اللى برضه مداريه كتير لان ما خفى طلع انيل بكتير

مش معقولة كل الناس بقت معندهاش دم بطريقة تضايق كل الناس و كده كتير كتييييييييييييييير

سؤال هموت و اعرف الاجابة عليه ( البلد دى ليها آخر و لا هى كده جابت آخرها ؟!!؟!!؟!؟!؟!؟ )

غضبانة من نفسى لانى غضبت و مستغربة فعلا ان لسه فيه حاجة ممكن تحرق دمى بالشكل ده و اللى مستغرباله اكتر ان لسه عندى دم يتحرق ... نشفوه ينتقم منهم ربنا