مش عــارفة انهى اصعب انى اكون قشة فى ريح تايهة ماليش هوية
و لا شجرة ثابتة فى الارض صحيح بس بالحزن مروية
مش عــارفة انهى اصعب انى انسى اسمى و عنوانى
و لا اعيش فاكرة بس اتكوى بنار جروحى و احزانى
مش عــارفة انهى اصعب انى اكون عايشة مخدوعة فى ناس كتير من حواليا و كتير يبان منهم صديق اتاريه عدو لدود ليا
و لا تتساوى فى عينى كل الوشوش بس يتلغى من قاموسى اى معنى للخيانة و زيف النفوس
هى المعادلة كده دايما تكون ناقصة ؟!!
مينفعش تكون كسبان فى كل لحظة
لازم زى ما تكسب .. تخسر
و على قد ما تاخد .. تدى
و اهو كله محسوب بالورقة و القلم
و مينفعش تشكى الدنيا للزمن
لا الزمن هييجى فى صفك و لا الدنيا فى يوم هتسامحك
مش ناسية يارب لو اطلعت على الغيب لاخترت الواقع بس سامحنى مجرد احساس جانى فقلته
ليست هناك تعليقات:
إرسال تعليق