و احنا داخلين على انتخابات مجلس الشِعب و تصريحات الرئيس ان برنامجه الانتخابى للخمس سنوات القادمة هيكرسهم للفقراء ( مش عارفة ليه هيكرسهم دى بتفكرنى بالشيشة ) على اساس ان 30 سنة اللى فاتوا كان فيه حد تانى اللى حاكمنا او يمكن ان الخطة كانت ان الفترة اللى فاتت نفقرهم علشان نعرف نتكتكلهم و نعملهم برنامج و نكرسه لهم و نرسهلهم و صباااااااااااح الخيييييييييير يا شِعب .. شغل على نضافة ايش فهمك انت يا شعب ده انت شِعب رخم و غتيت يعنى يستوردوا شعب من برة
المهم ايمانا منى بأن المشاركة حق اصيل و لمستقبل افضل من اجلك هنجيب اجلك انت و اللى يتشددلك و اهو ايد على ايد هنخربها اكيد
انا شايفة من مزنقى هذا ان الحل الوحيد للقضاء على الفقر فى مصر من لغاليغه.... هى القضاء على الفقراء
بس خلاص انا رايحة اشيل البنكرياس اصلى شايلة المرارة قبل كده و اهو هيفضلوا ورايا لحد ما انضف خااااااااااااااااالص
هناك تعليق واحد:
ايه ياياسمين انتى بتحقدى على الفقراء كده
مستكترة عليهم 5 سنين وبعيدن
دعوهم يعملوا فى صمت
إرسال تعليق