جوايا كلام كتير و رغم كده مش عارفة ابدأ منين
برغم انى قادرة ارسم بالحروف اجمل معانى
و الخص الحكاية فى كلمتين
الا انى مش عارفة ابدأ منين
كل الكلام فجأة خلص
و قلبى جه عندك وقف
معرفش ايه و ازاى حصل
لانها حالة ما تتوصف
جوايا حاجة اتحركت
حاجة مكنتش و بقت
او كانت و بيك اتجددت
المهم فيا حاجة اتغيرت
معرفش اذا كان كلامى له معنى
بس عايزة افضل فى الاحساس ده عايشة
هسكت يمكن احساسى يوصلك
يمكن يقدر هو يفهمك
اللى انا نفسى حساه لكنى مش فهماه
على الهامش
ساعات كتير كل اللى مطلوب منك انك ..... تسكت
هناك تعليق واحد:
اكيد السكوت بيبقى احسن ,, لكنى انا بحب افضفض ومقدرش اسكت ولازم اعبر عن كل اللى فى قلبى
بجد احاسيس مرهفة رائعه كعادتك
إرسال تعليق