لعبة الحب
تلاقى اللى انت تحبه مبيحبكش ... وهو بيحب حد تانى مبيحبهوش
و اللى مبتحبهوش بيحبك ... فيه حد تانى بيحبه مبيحبهوش
طب ليه اللى بنحبه ما يحبناش
و اللى يحبنا منحبهوش
عجبت لك ايها الحب ضحكت علينا اللى يسوا و اللى ميسووش
نظرية
ما فقدته ... لم يكن يوما موجودا
و ما وجدته لم يكن يوما مفقودا
حالة تلبس
اجد نفسى فى حالة تفكير دائم حتى فى نومى
و عندما اعلنت هجومى عليه و عصيانى له
و حزمت امرى و اتخذت قرارى
بالا افكر ..
ظبط نفسى متلبسة بالتفكير فى كيف لا افكر !!
وعدك
لما حبتنى ... قولتلى
و ساعتها وعدتنى
هتقولى يوم ما تملنى
و لحد النهاردة ما قولتليش
الغريب انك من يومها ... ما كلمتنيش
البيضة و لا الفرخة
تلاقينا اوقات بنتعاقب على حاجات عملناها
و اوقات تانية نتعاقب على حاجات معملنهاش
طيب هو ايه الاصح
اننا نعملها و لا منعملهاش !!
هناك تعليقان (2):
لا بقولك ايه انتى حيرتينى كده ,, ارد ولا مردش
طيب ولو رديت هتتبسطى منى ولا مش هتتبسطى
ولو هتتبسطى هتحبينى ولا مش هتحبينى
يووووووووة لغبطينى معاكى هههههههههههههههه
بس هى دى الدنيا وعلى راى جدتى ::
الدنيا ما بتديش محتاج
وكله نصيب اكيد وكتوب على الجبين
بس على فكرة انتى عرفتى من فين انى بفكر على طول كده حد قالك ولا ايه ؟؟ لدرجة انى برضو وانا بنسى التفكير اظبط نفسى وانا بفكر ههههههههههه
دمتى لافكارى قارئة
ههههههههههههه
نأسف لهذه اللغبطة المقصودة امال انا هتلغبط لوحدى مش احنا سوا فى السراء و الضراء و لا ايه !!؟؟
و من غير ما حد يقولى انتى عارفة ان انا عارفة الحاسة السادسة ميزان بقى
تسلميلى يا سومة لمرورك اللذيذ المبهج ...
إرسال تعليق